TAARIFA KWA VYOMBO VYA HABARI

RAIS WA JAMHURI YA MUUNGANO WA TANZANIA, MHE. DKT. JOHN POMBE JOSEPH MAGUFULI AMETANGAZA MAOMBOLEZO YA KITAIFA YA SIKU 03 KUANZIA  TAREHE 13 JUNI HADI TAREHE 15 JUNI 2020 KUFUATIA KIFO CHA RAIS WA JAMHURI YA BURUNDI, MHE. PIERRE NKURUNZIZA KILICHOTOKEA TAREHE 08 JUNI, 2020 MKOANI KARUSI, NCHINI BURUNDI.

AIDHA KATIKA KIPINDI CHOTE CHA SIKU 3 CHA MAOMBOLEZO YA KITAIFA BENDERA ZOTE ZITAPEPERUSHWA NUSU MLINGOTI. MHE. RAIS AMEELEZA KUWA TANZANIA INATOA HESHIMA HIYO KWA KIFO CHA MHE. PIERRE NKURUNZIZA KWA KUTAMBUA KUWA ALIKUWA RAIS WA NCHI JIRANI AMBAYO IMEKUWA NA UHUSIANO NA USHIRIKIANO MZURI, WA KIRAFIKI NA KIDUGU NA TANZANIA.

MHE. RAIS MAGUFULI AMERUDIA KUTOA POLE KWA MJANE WA RAIS NKURUNZIZA (MAMA DENISE BUCUMI NKURUNZIZA), FAMILIA, SERIKALI NA WANANCHI WOTE WA BURUNDI KWA KUONDOKEWA NA MPENDWA WAO, NA AMEMUOMBEA KWA MWENYEZI MUNGU AIPUMZISHE ROHO YAKE MAHALI PEMA PEPONI, AMINA.