BALOZI WA TANZANIA NCHINI BURUNDI AKABIDHI NDEGE WANNE AINA YA TAUSI KWA RAIS WA BURUNDI.

Tarehe 19 Mei, 2024 kwa niaba ya Mhe. Dkt. Samia Suluhu Hassan, Rais wa Jamhuri ya Muungano wa Tanzania, Balozi wa Tanzania nchini Burundi, Mhe. Balozi Gelasius G. Byakanwa, alifanya makabidhiano  ya ndege wanne aina ya Tausi  ikiwa ni zawadi kwa Rais wa Jamhuri ya Burundi, Mhe. Evariste Ndayishimiye. Makabidhiano hayo yalifanyika katika Ikulu ya Gitega, Burundi. Baada ya makabidhiano Rais wa Burundi alishukuru sana na kusema yafuatayo:-
  “Rais Samia Suluhu Hassan ni rafiki yangu, mimi namwita dada yangu naye anaiita  kaka yake.  Urafiki wetu huu umeendelea kuimarisha urafiki wa nchi zetu mbili. Watanzania na Warundi ni ndugu. Nimefurahi sana kupokea ndege hawa wazuri nitawatunza na kuhakikisha wanazaliana na kuongezeka. Fikisheni shukrani zangu kwa dada yangu”.